ما هي احسن بلد في اوروبا للهجرة

 ما هي احسن بلد في اوروبا للهجرة

 ما هي احسن بلد في اوروبا للهجرة

الكثير منكم يريد أن يعرف ما هي احسن بلد في اوروبا في ما يخص باه تصنع الاوراق و العيش فيها

اولا قبل أن تختار البلاد شوف انت واش راك حاب ، كاين بلدان ملاح للسياحة و ليس للعيش و العكس صحيح

لازم تعرف كل بلاد و عندها القوانين تاعها و السيستام تاعنا

باه تصنع أوراقك لازم الزواج في أوروبا هو الحل الاسهل ثانيا عقد عمل ، الدراسة بالنسبة للطلبة

اللغة: ماهيش مشكل تقدر تتعلمها و لكن من الاحسن و حتى تربح الوقت لازم تعرف لغة البلاد لي راك رايح ليها و الانجليزية لازم تكون عندك باه تسهال عليك

نبداو بالبلدان لي راهم احسن في الأوراق لحد الان، نتكلم علو بعض و ليس الكل

في رايي الشخصي أن البرتغال من احسن و اسهلهم في الأوراق،

الزواج على ثلاث سنين تدي الجنسية و لا تحتاج باه تهبط للبلاد باه تتزوج . باسبورك و شهادة ميلاد و شهادة عدم الزواج و أنت فاريها.

عقد عمل بعد سبع سنوات تدي جنسية. معرف ناس دارها جنسية بعقد عمل في البرتغال

الشرطة متحوسش عليك و تقدر تخدم فالنوار و تخلص الضرائب بدون مشكل. من البلدان القليلة جدا لي الحراڤ يعيش بدون خوف من الشرطة

بولندا مليحة فالزواج و الخدمة عيانة ثم . متخلصش مليح دي أوراقك و بدل ( خمس سنوات زواج تدي جنسية)

إنجلترا مليح فالخدمة و الكوارط صعاب . الزواج من وحدة تاع الاتحاد الأوربي هو الحل

أوروبا الشرقية مثل أوكرانيا و روسيا تضيع في وقتك ثم خصوصا اذا متزوجتش . تزوج ، يعطوك اقامة تكون اسهل باه تدي فيزا لأوربا هذي الحاجة الوحيدة لي مليحة ثم

كندا للعائلات و لي عندهم أطفال

العمل في أوروبا لازم يكون عندك حرفة و من أهمها ميكانيكي ، كل ما يتعلق بالبناء، سودار ، خفاف ، كوزيني ، البارمي مليح بزاف

الديبلوم تاع البلاد خليه في داركم ، تحتاجو كي تصنع كوارطك و ممكن تكمل قرايتك

البلدان الإسكندنافية: من اقوى جوازات العالم

كاين فلندا و السويد أحسنهم في الزواج و الخدمة انت و الحرفة تاعك و العرف، الدنمارك و النرويج من أصعبهم في القوانين و العمل صعب باه تلقى خصوصا النرويج و الزواج هو الحل للدول الإسكندنافية باه تصنع كوارطك و تديهم بسرعة اذا كانت الزوجة تتوفر فيها الشروط .

إسلتدا و بعد نمدلكم كل المعلومات لي تحتاجوها.

جزر الكاريبي مضيعة للوقت و الناس تهف فيكم . باه تدي جنسية لازملك أموال بزاف

تحب تهاجر دير فيزا و حاول و متقطعش لياس راهي أحسن من الحرڤة في فلوكة

أمريكا مليحة اذا عندك أوراق و لكن اوروبا احسن من أمريكا في صوالح بزاف.

أستراليا و نيوزيلاند ملاح للطلبة ، تصنع كوارطك بالساهل و خصوصا نيوزيلاند اذا قبلوك تقرا عندك احتمال تدي جنسية بعد سنوات

لي يحب يعيش بعيد عن اوربا كندا هي أفضلهم من حيث السيستام و الخدمة و مليحة بزاف لي حب يطلع مع الزوجة تاعو و الأولاد.

بارطاجي و خلي ناس تستفاد ليلة سعيدة خاوتي تصبحون على واقع اجمل غدا